June 21, 2008 - ২ x সাতবৰণীয়া ৰামধেনু...

কেইদিনমানৰ পৰা ভাৱি আছিলো বোলে দুই এশাৰী লিখিব লাগিছিল... পিছে ময়ো সেই পি.পু.সি.শু. হৈ গৈছো যেন লাগিছে... যোৱা ১১-০৬-২০০৮ ইং তাৰিখ বুধবাৰে একেলগে দুখন ৰামধেনু দেখি লিখিবলৈ দুৰন্ত হেঁপাহ এটা জাগি উঠিলে... কিন্তু কি হ'ৱ হেলাতে লিখাই হোৱা নাছিলে...

জীৱনত প্ৰথমবাৰৰ বাবে দুখন ৰামধেনু একেলগে একেঠাইতে দেখিবলৈ পাই লগৰ বন্ধু এজনক টেলিফোন কৰি ফটো তুলিবলৈ অনুৰোধ কৰিলে... তেখেতৰ আকৌ চুৰি বজাৰৰ পৰা কিনা হাই-ফাই কেমেৰা এটা আছিলে ... পিছে কি হ'ৱ আমি দুয়োটাই একেখন নাৱৰে যাত্ৰী... কেমেৰাৰ বেটাৰীৰ চাৰ্জ নাই হেনো... ওলাই আহি পাৰেমানে  ক্লিক্ ক্লিক্ কৰিলে পিছে এটাও ফটো নাহিলে...
এই অভাগাৰ আও-পুৰণি MOBILE টোৰে দুই এখন তুলিলো যদিও অস্পষ্ট |  তলত এটা বৃথা প্ৰয়াস কৰাৰ নমুনা দিয়া হৈছে, এপাক চকু ফুৰাই ল'ৱ|


 

ৰামধেনুৰ সাতোটা ৰঙৰ দৰে আমাৰ উত্তৰ-পূৱৰ সাতোখন ৰাজ্যও বাৰে-ৰহনীয়া নহয় নে ? পিছে দুখৰ বিষয় হৈছে আমাৰ এই সাত ভাই-ভনী ৰামধেনুৰ দৰে একেলগ হৈ থাকিব নোৱাৰে!!! তাৰ বাবে কোন জগৰীয়া... এইখিনিতে যোৱা বছৰৰ এটা ঘটনালৈ মনত পৰিছে... ল'ৰাজন সম্ভৱত শিৱসাগৰৰ!!! কিবা এটা ধেমেলীয়া ORKUT (most wanted? ) সূত্ৰত (thread) এশাৰী কিবা লিখিছিলো ... বেচেৰাই কিবা জাঙুৰ খাই উঠি ওভতি ধৰিলে নহয় ... আৰু ওলোটাই ধেকেৰী বুলি কিবা কিবি বলকি গালি বৰষিলে..কথাটোনো কি তলকিবই নোৱাৰিলো | আগতে মই এই ধেকেৰী শব্দটো ব্যৱহাৰ হোৱা পোৱাও নাছিলো ... পিছত আমাৰ মুখা-পিন্ধা গৰাকীজনে ক'লে বোলে সেইটো নামনিৰ মানুহবোৰক কয়... আৰু সেই ল'ৰাজনে হেনো অসমৰ ক'তো ভাল মহাবিদ্যালয়ত নামভৰ্তি কৰিব নোৱাৰি বাঙ্গালোৰৰ কিবা বেচৰকাৰী অলিয়ে-গলিয়ে থকা মহাবিদ্যালয় এখনত কিবা পঢ়ি আছে |


অতবোৰ কথা শুনাৰ পাছত মই সেই বিলাতফেৰৎ (???) বন্ধুজনক সেৱা এটা জনাই কলো - বোলো প্ৰভু সেৱাহে !!! অসমখনটো সাত টুকুৰা হ'লেই... এতিয়া আকৌ বড়োভূমি বেলেগকৈ বনালে... আপোনাৰ দৰে আৰু কেইজনমান অসমীয়া (পাৱত গজা???) থাকিলে, এইখন অসম আৰু কিমানটা ভাগ হয়গৈ ঠিকনা নাই...
মানে ৰামধেনুখনত সাতটা ৰঙ একেলগে দেখা পোৱাও দুৰূহ হৈ পৰিব |

Comments (0) :: Permanent Link

February 6, 2008 - অসমীয়া ভাষা আৰু আমি...

২০০৫ ইং চনৰ নৱেম্বৰ মাহৰ ৫ তাৰিখ, দিল্লীলৈ গৈছিলো ... প্ৰজেক্ট এটা কৰিবলৈ |  গৈ পাওঁতে পাওঁতে নিশা ৯.৩০ বাজিছিলে... পাব লাগিছিল গধুলি ৬.০০ বজাত | থিকেই আছিলে - আমাৰ ইয়াতেটো আই. এছ. টি. মতেহে চলে |  আই. এছ. টি.  মানে ধৰিব পাৰিছেনে... ইণ্ডিয়ান ষ্টেণ্ডাৰ্ড টাইম আকৌ  | গন্তব্যস্থান বুলি  অট' এখন ভাড়া কৰিলো ... সি সেই ২৭ টকাৰ দূৰত্ব প্ৰায় ডেৰ ঘণ্টা ধৰি ঘূৰালে... আৰু পিছত ২০০ মান টকা লৈ উধাও হ'ল |
অ' ক'বলৈ পাহৰিছিলোৱে - খুবসম্ভৱ তাৰ দুদিন আগতে নতুন দিল্লীত ৩ টা লানি নিছিগা বোমা ফুটিছিল ... দীপাৱলীৰ সময়ত | যাহওঁক পিছদিনা বন্ধ থকাত পূৱা কিবা অকন খাই (খাদ্য অৱশ্যে মেটমৰা আছিল) ৰদত আড্ডা মাৰি আছিলো... এনেতে এজন বিহাৰৰ গৱেষক বন্ধু আহি অলপ কথা-বতৰা পতাত লাগিলে | মাজতে এবাৰ শুধিলে - " অ' ভাই কাহা ছে???" মই উত্তৰত কলো বোলে অসমৰ পৰা | ল'গে ল'গে তেওঁ মুখখন কোচাই দি ক'লে নহয় - "আৰে উহা পে ত' কভি ভি বম্ব ব্লাষ্ট হোতা হে !!! ক্যা জগহ হে ??? " ক'ৱলৈ হে পালে মোৰ মূৰত ধৰিলে গৈ নহয় | ওলোটাই শুধি দিলো - " আপ কা ঘৰ কাহা হে??? " তেখেতে ক'লে বোলে - "বিহাৰ সে"| মোৰ মূখৰ পৰা ওলাই আহিলে - "আপ ত' মহান হে !!!" লগতে ক'লো বোলে দুদিন আগতে দিল্লীত যে ফুটিছিলে সেই ৩ টা কি ফটকা আছিলে নেকি ??? সকলোৱে অসমৰ বিৰুদ্ধে গাই ফুৰিবলৈ বহলকৈ মুখ খন মেলি থাকে ... কিন্তু এইটোও ক'ৱ লাগিব যে - তেওঁৰ লগৰে এজনে মাত মাতিছিলে... পিছত হে চিনাকি হলত গম পোৱা গ'ল আনজনা গৱেষক বন্ধুয়ে ইয়াৰে পৰা M. Tech. কৰি যোৱা | ...

ইয়াকে ক'য় বোলে-
ইয়াতে মাৰিলো টিপা
গড়গাওঁ পালেগৈ শিপা...

Comments (0) :: Permanent Link

January 25, 2008 - মিতব্যয়ী অসমীয়া...

আজি চাৰি-পাঁচ বছৰ আগৰ কথা... মোৰ বন্ধু এজনৰ লগত মহকুমাধিপতিৰ কাৰ্য্যালয়লৈ গৈছিলো - স্থায়ী বাসিন্দাৰ প্ৰমান পত্ৰ উলিয়াবলৈ |  মোৰ বন্ধুজনাই একেবাৰে সাজু হৈ গৈছে - আজি আনিবই আনিব | (মই থকাই চাগে তাৰ সাহস আৰু অলপ বাঢ়িছিলে !!! ) নিত্যনৈমিত্তিক চহী কৰি, নাম কেইটা লিখাই গলো এফালে সোমাই... দেখিলো বৰ-কেৰাণী বহি আছে ... তেখেতে লাহেকৈ চছমাযোৰৰ ওপৰেৰে ঘোপাকৈ চাই অইন এখন টেবুললৈ ইঙ্গিতেৰে দেখুৱাই দিলে |  দেখিলো ৩৫-৩৬ বছৰীয়া  ডেকা এজনে মেজৰ ওপৰত মূৰ পেলাই টোপনিয়াই আছে | সেইফালে আগবাঢ়ি যাওতেই এটা আলপিন্ চকুত পৰিল | আলপিনটো বুটলি লৈ ভাবিলো মানুহজনকে দি দিয়া যাওঁক | ইতিমধ্যে আমাৰ কুম্ভকৰ্ণজনো সাৰ পাইছিলেই | মই মাতি তেখেতক আলপিনটো দিলো আৰু দৰ্খাস্তখন দি ক'লো যে ইয়াতে চাহাবৰ এটা দস্তখত কৰি আনিব লাগে |
কিন্তু এয়া কি ??? তেওঁচোন আলপিনটো চোলাৰ পকেটতেই খোচ্ মাৰি থৈ দিলে... মোৰ বন্ধুজনে ক'লে - অ' দাদা বিন্ধিব বিন্ধিব !!! বেলেগ কৰবাত থৈ দিয়ক | পিয়নজনে ভেকাহি মাৰি ক'লে " এহ তুমি এইবোৰ নুবুজিবা দিয়া |" এয়া চোৱা বুলি তেখেতে তেওঁৰ চোলাটোৰ বুতাম কেইটালৈ দেখুৱাই দিলে | তেতিয়াহে আমাৰ দুয়োটাৰে চকু কপালত উঠিল - এয়াচোন বুতামৰ জেগাত আলপিন্ !!! পিয়নজনে ক'লে - "যোৱাকালি বুতামটো চিগিচিলে... আজি লৰা-লৰিতে সময়ে নহ'লে... গতিকে এই পিনটোৰেই কাম চলাই দিলো |"
তাকে দেখি আমি দুইজনে ইজনে সিজনৰ মুখলৈ চালো | কিছুসময় বোন্দাপৰ দিয়াৰ পিছত কামফেৰা যেনিবা হ'লগৈ | ঘৰমূৱা হওঁতে বন্ধুজনক বুজালো - "অই দেখিলি, আমাৰ অসমীয়া মানুহখিনি কিমান মিতব্যয়ী | বুতামৰ ঠাইত - আলপিন ব্যৱহাৰ কৰিও কাম চলায় দিয়ে |"

Comments (0) :: Permanent Link

January 21, 2008 - ভাৰতৰ পূৰ্ব্বদিশত থকা মোহনীয়া ধৰা...

আপুনি কেতিয়াবা ইয়ালৈ আহিছেনে বাৰু !!! বহুতেও চাগে নামো শুনা নাই... আচৰিত নহয়নে... 
Comments (1) :: Permanent Link

About Me

পুৰণি দিনৰ মধুভৰা স্মৃতিয়ে ... কৰেচোন আমনি... চাওঁচোন প্ৰয়াস কৰি... কিজানিবা পাৰো ৰাখিব সাঁচি |

Links

� Home
� View my profile
� Archives
� Friends
� Email Me

SPECIAL LINK

Friends

� buljit
� priyankoo

Locations of visitors to this page

YOU ARE VISITOR NUMBER page counter
Your IP Address:



Assamese script not visible...
No problem put a comment...
You will get solution sure...